المنشور المجمع للمشروح فى مادة التآمين


المنشور المجمع للمشروح فى مادة التآمين

البوست المجمع ف التأمين فرقه تالته وبعد قليل الايجار ادعو لوالده مراتي ربنا يرحمها ويغفر لها

الشــرح البلدى ::

تالته #تأمين الســؤال الاول

تـــكلم عن شروووووط الخــــــطرالمؤمن منه ؟ واحد من الشروط ف الامتحان سؤاء نظري او هل ولماذا ؟ واحد فيهم ف الامتحان اثبت وجودك وادعيلى ?

لكي يتم تأمين الخطر ياجماعه لازم يتوافر شروط

1-ان يكون الخطر حادثــا غير مؤكد

والمقصوود هنا بالحااادث ليس فقط الحادث التعيسس لكن برده الحادث السعييد .. فممكن تأمين على ولاده طفل او زواج بنت فده مثلا حادث سعيد وممكن تأمن على حادث حزين كحريق .. وهكذا

اذا لابد ان يكون هناك حادث ولكن هذا الحادث ف المستقبل ياعنى احتمالى غير مؤكد الحدووث .. ولكن من المحتمل ان يحدث ف المستقبل

ولكن السؤال اللى بيثور هنااا هل يجوز التأمين ع الوفاه ؟

طبعا الكل هيقوول ان الوفاه شىء مؤكد فمينفعش نؤمن عليه .. لكن الرأي الراجح عكس كلامكم كلكم .. لان الوفاااه يمكن ان نؤمن عليها .. نعم نحن نعلم اننا سنموت وهذا مؤكد ؟ ولكن هل نعرف تاريخ موتنا !!! اذا يجوز التأمين لان الوقت غير مؤكد ..

2- ان يكون الخطر المؤمن منه حادثا مستقبلا

عقد التأمين من العقوود اللي بيؤكد وجود خطر .. فلو كان الخطر وقع فلا يوجد هنا تأمين .. لان الاحتماليه قد زالت .. فلا يقوم عقد التأمين حتييييي لو كان وقت كتابه العقد طرفى العقد لا يعلمان بوقوع الحادث ؟ طالما كان الحادث حصل خلصت مينفعش نؤمن عليه .. علشان كده مينفعش نؤمن ع الخطر الظنى او الوهمي .. لكن استثناءا ينفع نأمن ع الخطر الوهمي او الظني .. ف قانون التجاري البحرري فقط .. وهذا الرأي سائد ف فرنسا

3- عدم جواز ان يكون الخطر متعلق ع اراده احد الطرفين ؟

مينفعش يبقى ف تأمين من حاجه واحنا نكون السبب ف انها تحصل .. لان لو كان ده متوقف ع اراده احد اطراف العقد فهنا مفيش احتمال وبالتالى فقدنا الركن الجوهري وهو الاحتمال .. لذلك يبطل عقد التأمين لو كان المؤمن (شركه التأمين ) او المؤمن له هما السبب ف حدوث الخطر .. لان كده هيبقوا متعمدين ..

ويترتب ع ذلك .. لا يجوووووووز للشخص ان يؤمن ع نفسه نتيجه خطأه فاذا امن الشخص ع حياته فلا يستحق مبلغ التأمين لو انتحر بسبب انه هنا متعمد

او مثلا لو تعمد الشخص احراق المنزل لا يجوز له ان ياخذ عقد التأمين

بس خلى بالك ف استثناء .. لو ف حاله الضروره او تأديه واجب انساني ينفع التأمين .. زي ما واحد ينزل ينقذ حد من الغررق .. وبالفعل ينقذه بس يموت .. فلو مأمن ع نفسه .. هيستحق التأمين .. او لو واحد مؤمن ع كلبه .. واتصابت بالسعار فقتلها .. فهنا يستحق التأ/مين لان دى حالات ضروره او واجب انساني

4- الشرط الاخييير .. لابد ان يكون الخطر المؤمن منه مشروع غير مخالف للنظام العام .. لان لو كان الخطر اللى هتأمن عليه حاجه مخالفه للنظام العام اكييد مش هينفع .. مينفعش مثلا نأمن ع تجاره المخدرات او تجاره الرقيق .. فهنا عقد التأمين باطل بطلان مطلق لمخالفته للنظام العام ..

حظر التأمين ع الغرامه .. اى غراااامه بتحطها الحككومه ع حضرتك من جرائم غير عمديه .. ممنوع يتم التأمين عليها

بالشفاااا .. شروط الخطر كلها .. واحد فيهم او اكتر ف الامتحان .. ادعوووولى

الســـــــؤال التاني #تأمين جي ف الامتحان بعون الله

تكلم عن تأمين الاشخــاص ؟ او صيغه اخري هل يحتوي تأمين الاشخاص ع صفه تعويضيه ام ينتفى ذلك ؟

شباب التأمين على الاشخااااص بيكون تأمين على الخطر اللى بيتعلق بالشخص نفسه :: اللى هو بنسميه هنا المؤمن له .. فان الخطر اللى بنعمل عليه تأمين هنا بيكون امر بشخصه وليس بماله عكس تأمين الاضرار

فمثلا الخطر اللى بيتعلق بخشص المؤمن له قد يكون الموووت كما فى التأمين على الحياه مثلا :: او ممكن يكون تأمين ضد اصابه تسبب وفاه :: او ضد مرض :: او ضد عجز :: المهم انه تأمين خاص بالشخص فقط وليس بماله ..

علشان كده شركه التأمين اللى هى المؤمن بتلتزم فدفغ مبلغ عند وقوع الحادث فيصبح المبلغ مستحق من وقت وقوع الحاادث دون حاجه الى اثبات ضرر مثلا :: لان تأمين الاشخاص مفيهوش صفه تعويضيه .. لان فى التأمين على الاشخاص تحديد الاداء المالى او المبلغ المالى فبيكون بسيط وبيكون بأتفاق بين المؤمن والمؤمن له ..

ويترتب على انتفاء الصفه التعويضيه :: تلت حاجات

1- ان مبلغ التأمين يتحدد بأتفاق الطرفين المتعقادين :: وعلشان كده ع فكره المؤمن له يقدر يبرم اكتر من عقد تأمين مع اكتر من شركه ويقدر ياخد من كله فلوس عند حدوث الواقعه

2- ان المؤمن يجب عليه ان يدفع مبلغ التأمين دون نقاش عند وقوع الحادثه

3- ان المؤمن له او الشخص المستفيد من التامين :: لو مثلا حصله حادثه وهو مأمن ع نفسه يقدر يرجع ع شركه التامين بالتعويض ويقدر يطلب تعويض عن اصابه ضد الغير

بالبلدى ياعنى :: ممكن واحد يامن ع نفسه من الموت العجز المرض :: واول ما يحصل الخطر بتاع الموت او المرض مثلا يستحق الشخص او ورثته مثلا او المستفيدون من التأمين بيستحقوا التأمين عالطول .. بدون بقى اثبات ضرر وبتاع لان ف تأمين الاشخاص مفيش حاجه اسمها صفه تعويضيه لان انا مبخدش تعويض انا باخد مبلغ مالى متفق عليه

الســؤال التالت #تأمين

تكلم عن تأمين الاضرار

التعريف :: المره دى التأمين من الاضرار هو تأمين من الخطر بس اللى بيتعلق بالمال هنا مش بالشخص نفسه

وهو نوعيين أولا :: تأمين الاشياء ثانيا :: تأمين المسئووليه

أولا تأمين الاشياء .. ويقصد بها اننا نعوض المؤمن له او المستفيد لو حدث ضرر بماله ولكن يجو ان يعين المؤمن له مستفيدا ::

مثلا شخص يروح يأمن على بضاعه لصالح شخص اخر خالص وهو صاحب البضاعه بحيث لو حصل حاجه للبضاعه شركه التأمين تدى تعويض لصاحب البضاعه

ويسمى التأمين ده قانون تأمين ذو مصلحه ويبقى صحيحا لو توافر شرطين

1- ان يكون التأمين ده لصالح الغير
2- ان يكون المؤمن له .. ليه مصلحه ادبيه او ماديه انه يعمل كده

خلى بالك التأمين ع الاشياء ممكن يكون على منزل من الحريقه او سياره من السرقه وهكذا

ثانيا :: تأمين المسئووليه :: وهو التأمين من حدوث ضرر من الغيير وينقسم الى نوعييين

أ- تأمين من خطر معييين القيمه مثلا .. زى تأمين الناقل على البضاعه التى ينقلها وهنا معروف قيمه البضاعه فيبقى اسمه خطر معيين القيمه

ب- وممكن يبقى تأمين من خطر غير محدد القيمه زى التأمين على حوادث السيارات فمنعرفش لو حصلت حادثه للعربيه هتكلف كام علشان حسب كل حادثه

$الصفه التعويضيه فى تأمين الاضرار

ف جميع تأمينات الاشياء وتأمينات المسئوليه ياعنى ف كل تأمينات الاضرار :: المؤمن له بياخد تعوويض بس مبيخدهوش بمجرد ما تحصل الحادثه لاء :: بنتأكد من الضرر الناتج عن الخطر ده ياعنى لو تأمين ع سياره من الحوادث وحصلت حادثه اتاكد الاول مقدار الضرر قد ايه علشان اقدر احدد قيمه التعويض

ومينفعش طبعا قيمه التعويض تتجاوز المبلغ اللى مكتوب ف وثيقه التأمين وهكذا

الســؤال الراابع #تأمين الناس شكلها نايمه وهتنيمنا بدري ..

عقد التأمين عقد غرر ؟ ام عقد رهاان ؟

اولا :: تعررريف الغرر ..

أ- انه عقد محدد :: اى عقد التأمين كل اطرافه تعلم كل الالتزامات التى تقع عليهم اى هناااك عوووض :: فالمؤمن له بيدفع اقساط لشركه التأمين :: وشركه التأمين بتدفع تعويض عند حدوث الضرر او الخطر

ب- انه عقد احتمالى :: لان هذا العقد يتوقع على حدوث الواقعه :: لان الوقعه من اللممكن ان تحدث ومن الممكن ان لا تحدث علشان كده بنقول عليه احتمالى

ثانيا:: عقد التأمين لا يحتوي ف الاصل على رهان

بالرغم انه هو من عقود الغرر :: لكن مفيش اى من الارادتين اللى هما شركه التأمين مثلا والمؤمن له مفيش اراده حد فيهم بتروح ان التأمين ده قمار ولا رهان .. لان عقد التأمين ملهوش اي علاقه بالمقامره

فمثلا

أ- بالنسبه لشركه التامين فلا يتوافر لديها نيه المراهنه ولا القمار لان ده امر تقدير احتمالات ممكن يحصل وممكن ميحصلش

ب- بالنسبه للمؤمن له .. فهو ايضا لا يراهن هو الاخر فى اغلب عقود التأمين

لان كل من المؤمن والمؤمن له لا يرغب احدهما ف الخساره وف نفس الوقت لا يرغب احدهما ف حدوث الخطر :: فشركه التامين لا تتمنى موت الشخص المؤمن له :: وايضا الشخص المؤمن له بيتمنى انه هو ميموتش

وده عكس اللى بيتراهنوا :: يرغب احدهما ف وقوع الاخر

السؤااال الخاااامس ..عقد التأمين عقد معاوووضه وعقد ملزم لجانبيه وعقد من عقود حسن النيه ؟

اولا :: عقد التأمين من عقود حسن النيه ؟

ياعنى لابد ومن الضروره ان المؤمن له يعلن عن الخطر والاحتياطات الواجب اتخاذها لان سوء النيه من المؤمن له يكون جزاءه البطلان

والواقع ان كل العقود فى الوقت الحالى تعتبر عقود حسن النيه .. فمثلا عندما يتم انعقاد عقد التأمين يعتمد المؤمن (شركه التأمين ) ع تقرير المؤمن له .. اى ع صحه البيانات اللى بيقدمها وبيقولها .. لذلك يجب ان يكون المؤمن له حسن النيه ويقول ايه الخطر اللى ممكن يتعرضله وما درجه جسامته ..

ثانيا .. عقد له طبيعه تبادليه (ملزم لجانبين ومتي يتحول لجانب واحد )

هل التأمين من العقود التبادليه ياعني بيترب ع كل الطرفين التزامات .. فمثلا المؤمن له بيدفع اقسااام يتم الاتفاق عليها .. وشركه التأمين كمان بتدفع التأمين لما يحصل خطر ..او لما تحصل الكارثه .. اذا هو عقد قطعي ونهائى .. ولو توقف المؤمن له عن دفع الاقساط توقف الضمان .. بالرغم ان عقد ملزم لجانبين الا ان ف استثناء انه يكون ملزم لجانب واحد .. فيتصور ف بعض الاحيان ان المؤمن له دفع قسط التأمين بس لم يقم بابلاغ المؤمن بكل حادثه فنكون امام عقد ملزم لجانب واحد .. لان اذا لم يتم الابلاغ ؟ هيتم التأمين ازاي ..

ثالثا :: عقد التأمين من عقود المعااااوضه ...

وهناك فرق بين المعاوضه والتبرع .. ف عقد المعاوضه كل الطرفين بياخد عووض مقابل اداء حاجه معينه .. زى عقد البيع مثلا عقد معاوضه .. اما عقد التبرع طرف بياخد ومبيديش زي الهبه كده

اذا عقد التأمين عقد معاووضه .. لان المتعاقد يتعاقد ع سبيل المعاوضه فهو يسعى لنفع احتمالى .. وايضا شركه التأمين اللى هي المؤمن بتدفع التأمين ؟ وخلى بالك حتي لو مدفعتش لعدم حدوث الضرر برده احتماليه فيعتبر العقد معاوضه

الســـؤال السادس والاخير ف التأمين (وخلى بالك لميت ليك المنهج بذكاء انا مخدتش المتوقع بس .. انا حطيت ف كل سؤال بتاع سؤالين تلاته .. فخلصتلك منهج التأمين ) هعمل بوست مجمع .. وبعدين نبدأ الايجار .. كمان ربع ساعه

عقد التأمين عقــــد من عقود الاذعاان

عقد التأمين من العقود اللى بيتم وصفها بانه عقد من عقود الاحتكاااار .. ياعنى شركه التأمين بتقوم باحتكار الشروط من الناحيه الفعليه فلا يتوفر لدى الطرف الاخر وهو المؤمن له ان يناقش الشركه ف هذه الشروط .. فلا يكون امامه الا الاستسلام ياعنى الموافقه او رفض الشروط ..

المشرع المصري لم يكتفى بهذه الشروط الموجوده فخصص لهذا العقد حمااايه خاااصه .. ونص ع ان يقع بااطلا اى اتفااق يخااالف الاحكام الوارده ف عقد التأمين لو كانت الشروط تضر المؤمن له .. والمشرع قسم الشروط لنوعين

1- اشروط موجوده ف عقد التأمين والغاها المشرع لاعتبارات شكليه ..

فالمشرع نص اى شرط ف غمووض او حاجه مش ظاهره .. ياعنى كل شرط مطبوع لم يبرز بششكل ظاهره وبخطوط غير بقيه الشروط واكبر حكم .. يعتبر لاغي هذا الشرط (بالبلدى المشرع قال ف شروط معينه تبقى مكتوبه بطريقه معينه وطريقه بارزه وواضحه ولو متكتبش زى ما قال تعتبر عيب شكلى والشرط يكون باطل )

2- بطلان بعض الشروط لما يوجد بها من تعسف

زي أ- وضع المؤمن شرط يقضى بان يسقط حق المؤمن له لو تأخر فى اعلان الحادث .. ياعنى لو المؤمن له حصله حادثه ومبلغش شركه التامين .. شركه التأمين متدهوش التعويض (طيب افرد حادثه وف غيبوبه مثلا ؟ ) علشان كده المشرع لغى الشرط ده لو الشركه حطته

2- اي شرط تم وضعه يحتوي عدم حصول المؤمن له لو كان بيخالف لائحه .. ياعنى يقولك لو المؤمن له كسر اشاره ميخدش تأمين ؟ ده شرط مخالف اصلا ويجب الغاءه لان فيه تعسف من شركه التأمين

بالشفا التأمين .. ف اقل من ساعه :*